Duol na kaayo ang Isla sa Bantayan

When was the last time you went to Bantayan? In my case, dugay na gyud kaayo. Sa mgs '80s pa. Usually, mag-land trip ug mag-bangka nga usahay duyan-duyanon sa balud. Kapoy ug laay kaayo ang biyahe, molungtad og dili mominos unom ka oras, una ka makaabot sa Isla.

Apan karon, in 30 minutes Bantayan ka na, and for only P888 fare. Ka daku sa deperensiya sa travel time ug sa convenience nga imong masinati.

Ang eyoplano nga gihulagway sa The Freeman, from the outside, nindot kaayong tan-awon, to an ordinary Pinoy in the street. Ang 72-seater ATR twin-engine turboprop aircraft, molupad gikan sa Mactan Airport paingon sa lungsod sa Sta. Fe airport ug balik, matag Viernes ug Domingo.

The flight was a ‘game changer,’ matud ni MCIA Authority (MCIAA) General Manager Julius Neri, Jr.  Game changer kaayo. Imagine ang biyahe nga unom ka oras, himuon na lang nga 30 minutos.

Padayon ni Neri: “It will change the landscape of Bantayan; it will drive the economy; it will boost tourism; and it will uplift the livelihood of the Bantayanons.”

Sa iyang bahin, si Governor Gwen namahayag nga “We must support this, even as I continue to ask King Aces and the generals here, to please maintain the P888 fare.” Bitaw, kon ila kining usbawan, dili na ko makabalik sa Bantayan.

Matud sa gobernador, ang original konong air fare nga gibungat was P2,995, apan tungod sa pagpaus-os sa prisyo sa jet fuel nga ang probinsiya maoy nag-supply, gikan sa P74 ngadto sa P62 na lang,  miuyon ang mga operator pag-maintain sa nasabutan nga P888.

Mipasalig usab si Guv. Gwen nga ang Capitol magpadayon its full support niining maong kaugmaran, kay maoy tuyo nga kini magmalampuson. “Accessibility is always key in improving and hoping to soar as a prime tourist destination. The less time it takes for domestic and international tourists (to travel), the better,” dugang sa gobernador.

Nganong Bantayan man? Si Retired Major General Gilbert Llanto, chairman sa Prime Aces Holdings Corp., mibutyag nga ilang nakita prospect for development ug ang dakung kahigayonan paglambo sa Isla. Usa kini sa mga hinungdan ngano nga ang Bantayan Island maoy ilang gipili, pagpalupad sa commercial flights.    

Gipaabot nga ang ATR-72 air service, dakung mahimo pagpalambo sa negosyo, particularly sa turismo, convenience sa mga travelers, ug sa mga kargamento.   

Giawhag ni Llanto nga magtambayayong ang mga stakeholders, mga mayor, kadagkuan sa turismo, ug ang business sector, “to work together in order for the flight to continue and eventually make more flights.”

Sa iyang bahin, si Santa Fe Mayor Ithamar Espinosa, nga miingon nga ang mga commercial flights, ‘is a dream come true’ alang sa mga Bantayanon. taga antayan. Matud niya, ilang pangandaman ang pagdagsang unya sa ilang dapit sa mga bisita ug turista.

Alang nako, daku kaayo ang role sa mga LGUs sa tanang munisipyo sa Isla, pagpalambo  pniining maong kaugmaran nga makahatag og mga economic benefits and windfalls sa tibuok Isla.

‘Sa man, Bantayan na ta?