PRO-7: Di tanang polis criminal

CEBU, Philippines — Nagpagawas og pamahayag ang Police Regional Office-7 labot sa mga alegasyon ni Police Lieutenant Colonel Jovy Espinido atol sa quad committee hearing sa Ubos Balay Balauranan nga ang PNP usa ka dakong crime group sa nasud.

Sa pamahayag sa PRO-7 sila sa kapulisan apil ilahang pamilya nabalaka sa pasangil sa kauban nilang polis. Matud pa sa PRO7 baseless o walay kapasikaran ang mga pamahayag ni Espinido batok sa PNP organization.

Sumala pa sa PRO-7 ang pamahayag ni Espinido nga ang PNP usa ka dakong crime group usa ka pagbiay-biay ngadto sa kapolisan nga naghimo gyud sa ilang trabaho.

Gani ang uban kanila nisakripisyo pa sa ilang kinabuhi alang sa kahapsay ug kalinaw sa nasud.

"This is also worrisome to our families who are patiently waiting for us to come home safe during rest hours from work," tipik sa pamahayag sa PRO-7.

Hinuon giangkon sa PRO-7 nga tinuod nga adunay pipila ka mga polis nga nahisalaag og dalan,  apan wala kini nagpasabot nga ang tibuok organisasyon gyud ang mga kriminal sama sa paghulagway ni Espinido.

 "We remind PLTCOL Espinido one fundamental rule in investigation and law:  “To one who alleges lies the burden of proof.”   Therefore, if he is aware of any crime committed by any member or members of the PNP, we encourage him to press charges and supply his assertions with facts and evidence so that those who are guilty will be penalized in accordance with the law.   Without presenting proof, his motive of asserting this serious allegation is highly suspect," dugang sa pamahayag.

Gipasalig sa PRO-7 ngadto sa katawhan sa Central Visayas nga dili nila i-tolerate ang  sayop nga binuhatan sa bisan kinsa sa ilang mga miyembro sa PNP.

Si Espenido kinsa maoy giisip nga “top cop” sa panahon sa administrasyong Duterte mibutyag atol sa hearing nga dunay mga tawhanong katungod nga nalapas sa gipatumang drug war sa kanhi administrasyon.

Matud pa niya, dunay mga inosenteng tawo nga nabiktima sa pagabuso sa mga polis sa war on drugs kay ang mga polis nag-apas sa reward ug promosyon base sa “na neutralized” nilang mga drug suspects. --  IBM BANAT NEWS