CEBU, Philippines — Pabuthon sa kapolisan sa Dakbayan sa Talisay ang ilang mga armas kada buwan aron ilang makuha ang templada sa ilang mga pusil alang sa ilang proteksyon ug aron mabuhat nila ang ilang trabaho nga luwas ang tanan.
Si Police Lt. Col. Epream Paguyod, hepe sa kapolisan sa Talisay nibutyag nga gihimo nila ang firearm proficiency ug safety familiarization kada buwan.
Sa pagsiguro nga way sakop o operatiba nga mabutang sa alanganin ang kinabuhi sa ilang mga operasyon.
Kahinumdoman, usa ka drug suspek ang gikaengkwentro sa operatiba diha sa Purok Orange, Barangay Lawaan 3 sa nahisgutang siyudad niadtong miaging semana.
Maayo nalang gani kay nabantayan sa kapolisan ug nailog ang armas sa suspetsado apan sa paglinayogay nibuto kini ug naunay kini sa iyang bukton.
Dugang pa ni Paguyod nga ang iyang kamandoan nagpabilin sa pagprotehir sa kinabuhi sa dakponon ug labaw na sa kinabuhi sa iyang mga sakop.— IBM BANAT NEWS