CEBU, Philippines — Himuon karong adlawa ang re-routing sa mga pampasaheroan nga sakyanan sa Dakbayan sa Talisay.
Kini human napanglantawan sa City of Talisay-Traffic Operation Development Authority (CT-TODA) nga maapektahan ang dagan sa trapiko atol sa pagbisita ni first lady Liza Marcos.
Ang kalihukan gitawag og “Lab for All Service Caravan” diha sa dakong tunghaan sa Barangay Bulacao sa nahisgutang siyudad.
Gibana-bana nga naa sa 1,500 ka tawo ang mopahimulos sa serbisyo.
Ang kagamhanan sa Talisay pinangulohan ni mayor Gerald Anthony “Samsam” Gullas nakigtigom sa mga opisyales ilabi na sa kapolisan aron sa paghatag og seguridad sa pagbisita sa asawa sa presidenti sa Pilipinas. Ang re-routing magsugod sa alas 6 sa buntag hangtud sa alas 5 sa hapon.
Adto pa agi-on ang mga pampasaheroang sakyanan sa Cebu South Coastal Road.
Posible sab nga maapektohan ang dagan sa trapiko sa silingang siyudad ug lungsod sa Talisay. — MEL BANAT NEWS