CEBU, Philippines — Usa ka Toyota Hi-Ace commuter van ang nadisgrasya sa Transcentral Highway (TCH), Barangay Cansomoroy, Lungsod sa Balamban, pasado alas 7 sa gabii sa adlaw'ng Domingo, Agosto 25, 2024.
Nalandig sa tambalanan ang 18 ka tawong sakay sa commuter van apil na ang driver niini nga sa Joebert Seco Tapia, 42, nagpuyo sa Barangay Agus, dakbayan sa Lapu-Lapu.
Sakay sa maong v-hire ang 17 ka mga pasahero nga gikan sa Cebu City ug paingon sa Lungsod sa Balamban.
Base sa imbestigasyon sa Balamban Police Station nga ang V-hire nagbiyahe padulhog dihang nag malfunction ang brakes niini ug aksidenteng nabangga sa poste nga naa sa dalan.
Gumikan sa hitabo ang V-hire nadaot ug nakaangkon og minor injuries ang mga sakay niini, hinuon nakagawas ra sab sila sa Balamban District Hospital. Hayan mag-atubang og kasong Reckless Imprudence Resulting in Multiple Physical Injury and Damage to Property ang driver. (BANAT NEWS)