CEBU, Philippines — Nabalik sa bilangguan ang 40 anyos nga lalaki human siya nasakpan nga padayon gihapon sa pagkalambigit sa ilegal nga swertres.
Ang operatiba midakop ni Odelon Caña, 40 anyos didto sa Purok Guyabano, Barangay Lawaan 3, Dakbayan sa Talisay niadtong miaging adlaw.
Gisignit sa kapolisan si Caña human naaktuhan nga nang isyu og numero sa ilegal swertres.
Nakuha gikan kaniya ang usa ka stub uban sa nagkalain-laing numero, usa ka ballpen, carbon paper ug kwarta nga nikantidad og P135 ka pesos. Nahibaw-an nga nadakpan na kini ang suspek niadtong Abril 16 ning tuiga sa susama nga kalapasan.
Ang iyang pagdakop karon mao nasab kini ang ikaduha niya nga kaso. (BANAT NEWS)