Dul-an 60, hired on the spot sa local job fair sa TESDA
CEBU, Philippines — Dul-an sa 60 ka mga aplikante ang na-hired on the spot atol sa gipahigayon nga 2024 World Café of Opportunities sa SM Seaside City Cebu niadtong Sabado, Agosto 24, 2024.
Ang maong mega local job fair gipasiugdahan kini sa Technical Education and Skills Development Authority (TESDA-7) pinaagi sa pakigtambayayong sa Department of Manpower Development and Placement (DMDP) sa Cebu City Hall.
Mitambong sa maong kalihukan sila si TESDA-7 Director Engr Gamaliel B. Vicente, Jr. ug TESDA-Cebu Provincial Director Floro Ringca lakip na ang mga representante sa Department of Labor and Employment nga sila si Marites Mercado, Engr. Suzanne Ardosa sa DMDP, mga opisyal sa SM Seaside, ug kapin sa 10 ka mga nisalmot nga mga kompanya.
Sumala sa DMDP, ang mega local job fair gidugok sa labing minos 500 ka mga aplikante diin kasagaran sa mga nadawat mao ang nangaply isip chef ug assistant head chef ug mga English teachers.
Sa pamahayag ni Engr. Vicente, matud pa niya nga duol kaayo sa iyang dughan ang mga job fair gumikan kay usa sab siya ka produkto niini sa wala pa siya makasugod og trabaho sa TESDA. (BANAT NEWS)
- Latest
