Polis namukbok og contingents

CEBU, Philippines — Usa ka polis sa lungsod sa Compostela nga gitahasang mobantay sa mga miyembro sa ilang contingents ang gidakop tungod sa alegasyon nga pagpamunal ug pagpaagmal sa siyam ka miyembro sa ilang partisipante para sa Pasigarbo sa Sugbu, aron sila “disiplinahon” tungod sa pagpabadlong niadtong Sabado, Agosto 24, 2024.

Ang  maong polis kansang pangalan wala gibutyag nadestino isip police escort sa Compostela contingents nga naa magpundo sa Guadalupe Elementary School sa Cebu City.

Sumala sa inisyal nga imbestigasyon, ang mga choreographers nangayo og tabang sa maong pulis aron tapukon ang mga miyembro sa Compostela Municipality contingents.

Sa usa ka komento sa usa sa mga dancers sa grupo diha sa usa ka Facebook post wala sila makaligo sa buntag kay dugay nahuman ang ilang blocking rehearsals.

Miabot sila sa Guadalupe Elementary School, gikapoy ug direkta nang natulog. Apan nakurat sila sa dihang gipatawag silang tanan alang sa orientation ug mga pasidaan.

Tungod sa kakapuy, nalangay og sanong ang uban kanila  samtang ang ubang dancers  nangaligo pa ug ang mga props men nangaon pa gikan sa practice.

“Unfortunately pag abot sa mga dancers nga gikan pa naligo gi largo silag TAMPAROS and SAGPA without hearing sa ilang side and after that pag abot sa props men nga gikan pa tawn nikaon wala pud paminawa ilang side gilargo silag pag (paddle) gamit kahoy and gipa extend ang kamot unya gihapak og kahoy na dospordos unya nabali ang kahoy, after naa pay gisukmag nga propsmen,” base pa sa maong komento.

Sumala sa dancer, na-trauma sila sa gibuhat sa maong polis ug dunay uban nga nag panic attack, ug ang uban naghilak pagkakita sa physical abuse nga gihimo niini.

Ang usa ka video nga gipasa sa The Freeman/Banat News nagpakita sa pulis nga nag-extend sa mga kamot sa mga props men ug gihapak sila gamit ang kahoy.  Sa alas 6:15 PM sa maong adlaw, ang mga awtoridad sa Guadalupe Police Station miadto sa lugar ug gi-aresto ang pulis.

Si Compostela Municipal Mayor Felijur “Jury” P. Quiño miadtp sa Guadalupe Elementary School aron atubangon ang sitwasyon.

Sumala sa usa ka municipal employee seryuso ang mayor sa pagtratar sa moang hitabo ug kini iyang buhaton ini’g human sa Pasigarbo sa Sugbo.

Ang maong pulis gikostudiya karon sa Guadalupe Police Station mag-atubang sa mga kaso sa Physical Injury ug paglapas sa Republic Act 7610 o Special Protection of Children Against Abuse, Exploitation, and Discrimination Act. (BANAT NEWS)