CEBU, Philippines — Nadakpan ang sa ka babaye nga kanhi OFW sa mga sakop sa City Intelligence Unit (CIU) sa Mandaue City Police Office (MCPO) sa buy bust operation nga ilang gipahigayon sa Barangay Mantuyong alas 10 pasado ang takna sa miaging Biyernes sa gabii.
Si Police Lieutenant Erwin Remigio nga maoy team leader sa CIU nga nagpahigayon og buy bust operation miila lang sa dinakpan nga si Elvy, 43- anyos nga taga Barangay Carreta sa Siyudad sa Sugbo. Nakuha nga ebidensiya gikan sa dinakpan ang tulo ka gramo nga gidudahang shabu nga nagkantida og P27 mil apil na ang marked money nga gigamit sa poseur buyer.
Matud Remigio ang ilang police asset maoy nihatag kanila og impormasyon nga ang suspek namaligya og shabu sa lugar.
Pasakaan siya og kasong paglapas sa Section 5 ug Section 11 bos sa Aritcle 2 sa Republic Act 9165 o Comprehensive Dangerous Drug Act of 2002. (CEBU NEWS)