CEBU, Philippines — Patay sa 42-anyos nga lalake human kini gidunggab sa iyahang gikabikil nga construction worker nga silingan niini diha sa Sitio Upper Tabucanal, Barangay Poblacion Pardo, siyudad sa Sugbo, pasado alas-6 sa gabii sa adlaw'ng Biyernes, Agosto 23, 2024.
Ang biktima mao si Jerry Aujero, 42 anyos, estambay samtang ang suspek mao si alyas Patrick, 41 anyos, construction worker, ang duha pulos residente sa naasoy nga lugar.
Sa imbestigasyon sa kapulisan giingong misulong ang biktima sa balay sa suspetsado ug matud pa gipatiran niini ang pultahan sa maong balay ug giingong nagkupot og bato ang biktima nga gigukod ang suspek.
Apan ang suspek nakakuha og hait nga ginagiban ug siya napuy migukod sa biktima hangtud nga iyang naapsan ug nahinaykan niini pagdunggab.
Nisibat ang suspek apan nadakpan kini sa hot pursuit operation sa Police Station 7 sa Cebu City Police Office. Gikatahong dugay ng dunay bikil ang duha.
Kasong homicide ang ipasaka batok sa suspetsado.(BANAT NEWS)