CEBU, Philippines — Ang konseho sa Dakbayan sa Sugbo niaproba na sa appointment ni Raquel Arce isip department head sa Cebu City Transportation Office atol sa ilang gipahigayon nga regular session niadtong Miyerkules.
Ang pag-uyon sa konseho sa appointment ni Arce ilaha kining iduso ngadto sa buhatan ni Henry Tomalabcad kinsa maoy pangulo sa Human Resource and Development Office sa kagamhanan sa Dakbayan sa Sugbo.
Sa mga konsehal, si Konsehal Pastor Alcover, Jr. lang ang ni-abstain sa appointment ni Arce.
Gituki usab sa konseho ang pipila ka mga reklamo batok sa CCTO ug ang mga solusyon niini.
Magpabalin nga CCTO ang ngalan sa buhatan ni Arce human wala maaprobahi ang pag-usab unta sa ngalan niini ngadto sa Road Management Authority. (BANAT NEWS)