Nigamit og temporary plates dakpon na sa LTO
CEBU, Philippines — Land Transportation Office Central Visayas magsugod na sa pagpanakop sa mga non-compliant improvised ug temporary plates sa mga motor vehicles ug motorcycles sugod sa September 1, 2024.
Kini base sa implementation sa LTO Memorandum Circular No. VDM-2024-2721 nga nagbutyag sa giya sa paggamit sa improvised ug temporary motor vehicle/motorcycle plates nationwide.
Ang memorandum giluwatan niadtong Hulyo 1, 2024 nga nag revoke usa sa Memorandum Circular No. JMT-2023-2400 or the "Use of improvised temporary/motor vehicle plates." Si LTO 7 Regional Director Glen Galario nibutyag nga ang ilang ahensya komitado sa pagsiguro sa kaluwasan sa mga motorista pinaagi sa tukma nga identification sa tanan motor vehicles ug motorcycles sa kadalanan.
Giawhag ni Galario ang mga tag-iya nga mosunod sa bag-ong regulations ug pagkuha sa mga tukma nga papeles aron malikay sa kahasol.
Ubos sa Memorandum Circular No. VDM-2024-2721, tanan improvised plates nga nagpaabot sa hulip sa ilang nawala o naputol-putol nga plate number sa pag proseso sa ilang duplicate plate request ug makabaton og authority o permit nga makagamit sa improvised plate.
Gibutyag ni Galario ang improvised plate magpakita usab sa nakadesignar nga plate number ug pulong nga improvised plate og available kini hangtud naa na ang actual nga plate number. (BANAT NEWS)
- Latest