CEBU, Philippines — Ang Barangay Subangdaku sa Dakbayan sa Mandaue ang nipahigayon sa ilang labing unang festival niadtong Domingo.
Sa mga colorful nga costume ug props gipadayag sa mga dancer ang ilang kultura ug hugot nga pagtuo sa ilang pag-devotion kang Señor San Roque.
Sa Suba nga Daku Festival gipakita sa mga contingent gikan sa pito ka cluster sa Barangay Subangdaku ang ilang sayaw nga inubanan sa pag-ampo kang Señor San Roque.
Ang Suba nga Daku Festival nagpadayag sa kahiusahan sa mga molupyo ug lig-on nga pagtuo isip Kristohanon nga katilingban. Si Barangay Kapitan Monah Manatad ang nangulo sa kalihokan sa Suba nga Daku Festival uban sa suporta ni Mayor Jonas Cortes ug opisyales sa siyudad. (BANAT NEWS)