The Freeman ug reporter niini gipasidunggan didto sa kaulohan

CEBU, Philippines — Gipasidunggan ang igsuong pamantalaan sa Banat News nga The Freeman isip Most Outstanding Regional Newspaper atol sa ikapito nga Philippine Empowered Men and Women of the Year by the Best Magazine nga gipahigayon sa Teatrino Promenade sa Greenhills, San Juan City niadtong Sabado, Agosto 10, 2024.

Gipanguluhan ang maong kalihukan ni 'Awards Guru of the Philippines’ Richard Hiñola kinsa mao ang founder sa RDH Entertainment Network.

Sa pagpakighinabi kang Hiñola, matud pa niya nga napili ang The Freeman gumikan kay lang kini ang bugtong pamantalaan nga naghatod og mga lab-as nga balita sulod na sa 105 ka tuig.

Dugang pa niya, ang The Freeman nakahatag sab og inspirasyon sa daghang indibidwal sulod sa pipila na ka mga katuigan.

Gawas sa pasidungog nga naangkon sa The Freeman, gipasidunggan sab ang 25 ka tuig na nga The Freeman sports writer ug investigative journalist nga si Caecent Magsumbol.

“To be nominated alone is already an honor for me... To be given this recognition is another story… Out of the millions of Filipinos, who would have thought that one day, I would get noticed for all the things that I do — not for myself, but for others… I thank you to sir Richard, Nino and the rest for their tireless efforts in putting up this awards and most importantly for continuing to help others who are in need thru this charity event… Actually, para na rin akong nanalo ng double gold sa Olympics as besides the recognition given to me, The Freeman to whom I am working for more than 25 years had also been recognized as the Most Outstanding Regional Newspaper in the country!  May this award/s serve as an inspiration to others that amidst the toxicity of social media, we shall continue to be remain fair and fearless!”, matud pa ni Magsumbol.

Ang maong awards gimugna aron ilhon ug pasidunggan ang mga indibidwal nga adunay talagsaong nabuhat sa nagkadaiyang fields sama sa katahum ug kahimsog, arts, politika, pageantry ug negosyo.

“Based on the credibility and experience, ‘yun,’yung reason kung bakit namin gustong bigyan ng award si Miss Caecent Magsumbol at nakita din namin na ‘yung experiences niya sa work, isang napalaking achievement ang makapagbigay inspirasyon,” sumala pa ni Hiñola.

Gisugdan ang paghatag og mga pasidungog sa mga talagsaong mga indibidwal niadtong 2015.

Lakip sa mga nakadawat og award gikan kanila mao ang mga haligi sa entertainment industry sama nila Vilma Santos, Claudine Barreto, Sheryn Regis, ug uban pa. Karong tuiga, lakip sa nakadawat og award si San Nicolas Proper Barangay Captain Clifford Jude Niñal, Atty. Ruphil Fernandez-Bañoc, Elizabeth Oropesa, Marissa Sanchez, Alfred Vargas, ug Atty. Persida Acosta.

Tumong ni Hiñola nga padayonon ang pagpasidungog sa mga Pilipino nga naghalad sa ilang kinabuhi sa usa ka makahuluganon nga katuyoan alang sa kinabag-an. — /IBM (BANAT NEWS)