CEBU, Philippines — Mas gipadaghan pa ang presensiya sa kapolisan sa Dakbayan sa Talisay diha sa Barangay Candulawan.
Kini human sa pagpamusil sa hepe sa barangay tanod nga si Fidel Torion niadtong Sabado sa buntag. Hinuon luwas ra ang kahimtang ni Torion kay ang bala wala kalapos sa iyang lawas.
Iyang pagtuo nga nahatagan pa siya og ikaduhang kinabuhi pinaagi sa iyang pag- ampo sa Dios Amahan.
Si Torion giingong gipusil kini sa igsuon ni Virgilio Monterde.
Si Monterder gipusil patay kini sa nilabay’ng mga adlaw sa sakop nga tanod ni Torion nga si Joemar Alloso.
Si Alloso nitahan sa kapolisan apan sila si Torion maoy gibaharan sa igsuon ni Monterde.
Si Police Lieutenant Colonel Epraem Paguyod, hepe sa kapolisan sa Dakbayan sa Talisay nibutyag nga padayon ang ilang hot pursuit operation.
Sa pagkakaron gihingusgan sa kapolisan ang ilang presensiya diha sa Barangay Candulawan aron masumpo nila ang bahad sa magsuong Monterde ngadto sa mga barangay tanod. — /BDB (BANAT NEWS)