CEBU, Philippines — Gihimong sumbanan sa Sinait, Ilocos Sur ang mga best practices sa Mandaue City Youth Development Office ug Sangguniang Kabataan sa dakbayan.
Kini ilang gihimong tamdanan sa Pambayang Pederasyon ng mga Sangguniang Kabataan (PPSK) sa Sinait llocos Sur Chapter basi sa ilang nakita ug nakat-onan sa pagbisita nila diha sa Mandaue City Session Hall. Gipaambit kanila ang mga ideya sa pagserbisyo ug paghimo og mga programa sa Mandaue City Youth Development Office ug Sangguniang Kabataan diha sa kabarangayan.
Sila si Alyx Sandrah R. Manatad, City Youth Development Officer ug Fleuritz Gayle Jumao-as Mandaue ang SK Federation President maoy miabi-abi sa 44 ka mga Sangguniang Kabataan Chairpersons gikan sa Sinait Ilocus Sur ug kaubanan nga Local Youth Development Officer ug Municipal Local Government Operations Officer.
Ang mga SK Officials sa Sinait Ilocos Sur nakig-alayon sa Mandaue City aron ilang kakuhaan og ideyas ang pagpatuman sa mga programa ug mga proyekto nga ilang i-implementar sab ngadto sa ilang matag barangay.
Ilang gibasihan ang Mandaue City sa Comprehensive Barangay Youth Development Plans (CBYDPs) ug Annual Barangay Youth Investment Programs.(BANAT NEWS)