CEBU, Philippines — Dili na kinahanglang mabalaka pa ang mga Pilipino hilabina kadtong wala pay national ID cards.
Kini gumikan kay ma-access na sa online gamit ang laptop ug mga cellphone human ang Philippine Statistics Authority (PSA) uban sa Department of Information and Communications Technology (DICT) nilusad sa Digital National ID uban sa authentication platforms sama sa National ID eVerify ug National ID Check.
Ang maong digital ID mamahimo gihapong magamit isip balido ug sufficient nga pagpamatuod sa identity sa usa ka indibidwal sa transaksiyon sa mga buhatan sa gobiyerno ug mga pribadong institusyon.
Kadtong mga nakarehistro na sa ilang national ID mamahimong motan-aw sa ilang digital nga kopya pinaagi sa official nga website sa Philippine Statistics (PSA).
Sundon lang ang sa mga mosunod nga steps diin ang una niini mao ang pagbisita sa website: https://national-id.gov.ph. dayon i-click ang "Proceed" pag-consent pag- generate sa Digital National ID.
Ikatulo, i-type ang first name, middle name, last name, ug date of birth, dayon i-click ang "Continue".
I-click ang “Start Liveness” ug dayon sundon ang "on-screen instructions" alang sa facial verification.
Dayon i-click ang "View National ID" aron makita ang Digital National ID kon hingpit na nga ma-verify. —BDB BANAT NEWS