Sam-ang sa Tejero dunay namaligya’g shabu
CEBU, Philippines — Dul-an sa P3 milyones nga balor sa ilegal nga drugas ang nasakmit sa Waterfront Police Station 3 sa Cebu City Police Office(CCPO) niadtong Domingo, Agosto 4, 2024 sa managlahi nga lugar sa Barangay Tejero, sa siyudad sa Sugbo.
Una silang nagpahigayon og buy-bust operation sa Doña Pepang Cemetery, Barangay Tejero ug niresulta kini sa pagkasikop kang alyas Eping, 47, nagpuyo sa naasoy nga dapit ug usa ka high value individual.
Nakuhaan ang suspetsado og 140 gramos sa gituohang shabu nga nagkantidad og P952,000.
Ikaduhang operasyon nila nahitabo sa Sitio Front Blessed, Barangay Tejero ning siyudad. Nasikop sa nga operatiba si alyas Entong, 20 anyos, residente sa Sitio Teracurra, Barangay Tejero ug usa sab kini ka high value individual.
Nakuhaan ang suspetsado og 300 grams sa gituohang shabu nga nagkantidad og kapin P2 milyones.
Sa impormasyon sa Police Station 3 sa Cebu City Police Office usa ka bodegero matud pa sa illegal nga drugas sa usa ka drug personality nga nabilanggo sa usa ka prisohan.
Giingong maka dispose ang dinakpan og usa ka kilong gituohang shabu kada semana. (BANAT NEWS)
- Latest
