CEBU, Philippines — Nidawat og pahalipay ang mga board passer nga taga Dakbayan sa Talisay niadtong niaging adlaw.
Si Mayor Gerald Anthony “Samsam” Gullas, Jr. maoy nangulo sa paghatag sa cash incentives sa 264 ka board passers.
Lakip sa ihap si Stephanie Gacang nga top 6 sa Physical Therapist Examination.
Sa ordinansa nga giaprobahan dili lang ang topnotchers ang mahatagan og pahalipay apan ang tanang board passers.
Si Konsehal Eduardo “Digul” Gullas III, chairman sa committee on education maoy nangamahan sa ordinansa nga nipadayag nga ilang giila ang paningkamot sa mga Talisaynon.
Matud niya nga dili tiaw ang paningkamot sa mga Talisaynon gikan sa ilang pagtungha hangtud nga nipasar sa pasulit.
Sa mosunod nga quarter lain na usab unya nga mga topnotcher ug board passer ang gahinan sa siyudad og pundo alang sa ilang pahalipay. (BANAT NEWS)