CEBU, Philippines — Aron matabangan ang kabatan-onan nga makasugakod sa mga hagit o problema nga giagian, usa ka center ang gilusad sa lokal nga kagamhanan sa lungsod sa Daanbantayan.
Ang Higala Teen Center usa ka pasilidad nga motabang sa mga batan-on sa pag-atubang sa tagsa tagsa ka problema niini sama sa sayo nga pagmabdos, mental health nga problema, substance abuse ug anti-social behavior.
Ang LGU milusad niini pinaagi sa Municipal Social Welfare and Development Office (MSWD) nasubay sa gipalabang nga Municipal Ordinance No. 12-2024 alang sa maong katuyoan.
Si konsehal Louise Marvi Loot-Pinos mipadayag sa iyang tibuok nga suporta sa maong proyekto sanglit siya usa usab ka biktima sa “bully” sa iyang kabatan-onan nga nakaapekto sa iyang pagkatawo.
Matud ni Pinos dako ang epekto sa nahitabo sa kinabuhi sa usa ka batan-on sa iyang pagdako hinungdan nga importante nga adunay igong pag-giya sa mga ginikanan ug mga magtutudlo.
Atol sa paglusad sa maong center niadtong Hulyo 31, mipirma usab og pledge of commitment ang mga opisyal sa LGU alang sa maong proyekto. (BANAT NEWS)