CEBU, Philippines — Gipangita sa mga sakop sa City of Talisay-Traffic Operation Development Authority (CT-TODA) ang mixer truck nga giingon nga naghugaw-hugaw sa karsada sa Dakbayan sa Talisay.
Ang CT-TODA sayo nga nanglimpyo sa karsada sa Barangay Tabunok kagahapon gumikan sa semento nga nagpasad sa karsada. Gihimo nila kini aron walay motorista nga madisgrasya nga moagi sa dapit.
Nahibaw-an nila pinaagi sa footage sa CCTV usa ka cement mixer truck ang nilabay sa dapit diin ang sulod niini nga semento nagtagak-tagak sa karsada.
Una nang nipahimangno si Jonathan Tumulak, pangu sa CT-TODA nga siguroon sa magmaneho og sakyanan nga sa dili pa mobiyahe limpyohan gyud drayber nga sakyanan.
Ang CT-TODA nakig alayon na sa management sa truck aron ilang mahibaw-an ang drayber. Kung kini mailhan na pamultahon ang drayber base sa ordinansa sa siyudad. (BANAT NEWS)