42 ka polis mikuha og mandatory course alang sa 2nd level police officers

CEBU, Philippines — Mokabot sa 42 ka miyembro sa Philippine National Police(PNP) nga gikan sa Visayas ug Mindanao nga nag ranggo og Lieutenant Colonels ang nikuha og Public Safety Officers Senior Executive Course(PSOSEC) nga molanat og 12 ka buwan.

Matud ni Police Lieutenant Colonel Franco Rudolf Oriol, Assistant Chief sa Community Affairs and Development Division sa Police Regional Office(PRO)-7 ang PSOSEC mandatory course alang sa mga second level police officers.  Importante matud pa kini aron mas mapalapdan pa nila ang ilang kaalam sa top management ug supervisory level sa PNP ingon man sa top level leadership capabilities nga buot itudlo sa National Police College sa umaabot nga senior officers sa PNP.

Gikinahanglan sab nila ang maong 12-month mandatory course aron ma promote sila sa pagka full colonel ngadto na sa pagka General. "So in a way mao na nga lahi ni siya nga schooling because mas bug-at ni, mas tagaan mi og kanang emphasis amoang kurso karon sa leadership and top management supervisory capabilities sa usa ka senior officer sa Philippine National Police", sigon ni Lt. Col. Oriol.  Sulod sa 12 ka buwan nila nga schooling nagkalain-laing subjects ang itudlo nila sama sa management leadership, national security policies nga gi take-up sa national government ug uban pang gikinahanglang subjects ug duna sab silay mga periodic examinations.

Susamang mandatory course ang gipahigayon sa Silang, Cavite.

Samtang duna say Public Safety Officers Advance Course(PSOAC) nga giapilan sa mga PNP personnel nga nagranggo og captains.

Matud ni Police Captain Judesses Catalogo, Information Officer sa Negros Occidental Police Provincial Office ang PSOAC mandatory course nila aron mosaka ang ilang ranggo ug dili sila pwede ma promote kung dili moagi sa maong kurso.

Sa ilahang klase niabot sila og 48 ka mga Police Captains nga gikan sa PRO-6, PRO-7, Region 2 ug Region 8.

"Ito kasing mandatory course nato it is very important na din sa amin kasi right after na ma promote kami ng Major we will be sitting expectedly to be a Chief of Police of a certain Municipality na pwede sa amin kasi iyon ang ni require ng Philippine National Police", suma pa ni Captain Catalogo.

Mga opisyales gikan sa NSC apil sa mga lecturers sa maong mandatory courses. (BANAT NEWS)