CEBU, Philippines — Niabot ngadto sa 120 mil ka tinun-an sa pampublikong tunghaan sa Dakbayan sa Sugbo ang makadawat og school supplies gikan sa kagamhanan sa siyudad.
Kini ang gibutyag ni Acting Cebu City Mayor Raymond Alvin Garcia.
Nasayran nga sugdan karong Biyernes ang pagpanghatag sa mga school supply nga gilangkuban sa mga lapis, papel, bag, notebook ug uban pa ngadto sa mga tinun-an sa tanang barangay sa siyudad.
Matud ni Garcia nga ang maong pagpanghatag og school supplies sa tanang 80 ka barangay sa siyudad ang molanat kini ngadto sa usa ka buwan.
Gipadayag ni Garcia nga sa nilabay nga abli sa klase pa unta ang pag-apod-apod sa mga school supply ug bag apan tungod sa kahinay sa proseso sa pagpamalit hinungdan nga wala mahinayon.
Ang maong pagpanghatag sa school supplies ug bag alang ra kini sa mga tinun-an sa pampublikong tunghaan sa elementarya walay labot ang anaa sa pribado nga tunghaan. BDB BANAT NEWS