Duha nadakpan, menor nasalbar atol sa drug bust

CEBU, Philippines — Duha ka mga gidudahang drug pushers ang nadakpan ug usa ka minor de edad nga lalaki ang naluwas sa kapolisan  sa Presinto 4  sa Lapu-Lapu  City Police Office (LCPO)  sa gipahigayon nilang buy bust operation  sa Sitio   Cambodia, Barangay Marigondon sa Siyudad sa Lapu-Lapu ala 1 pasado ang takna sa miaging kaadlawon.

Si   Police Captain Rachel Dumangeng, Public Information Officer (PIO) sa LCPO miila  sa nadakpan pinaagi sa ilang mga alyas Piolo, 18 ug Tambok, 45-  anyos nga pulos nagpuyo sa Barangay Tingub sa Siyudad sa Mandaue.

Samtang ang naluwas nga minor de edad nga giila nga si alyas Jim, 16 anyos nga taga Sitio Marbeach sa Barangay Marigondon.

Nasakmit sa kapolisan atol sa ilang pagkasikop mao ang 53.6 gramo  nga shabu nga nagkantidad og P364, 480 base  sa  Dagerous Drug Board (DDB)  value niini.

Ang minor de edad gipaubos karon sa kustodiya sa City Social Welfare and Development Office (CSWDO) sa dakbayan alang  sa tukmang lakang nga paghimoon.

Si Dumageng miingon nga ang   buy bust operation gihimo basi sa nakuha nilang impormasyon gikan sa mga una na nilang nadakpan nga kining duha maoy tigtagak og shabu sa maong lugar. (BANAT NEWS)

Show comments