CEBU, Philippines — Buhatan sa Division for the Welfare of the Urban Poor (DWUP) sa kagamhanan sa siyudad sa Sugbo nagpadayon karon sa ilang pagpanglista sa mga residente sa dakbayan alang sa kada Pamilya adunay pinuy-anan program kun K-PAP.
Ang pagpang rehistro gitumong alang niadtong mga molopyo nga walay gipanag-iya nga luna nga gitarokan sa ilang mga balay.
Sumala pa sa Executive Director sa DWUP Atty. Ronald Anthony Librando, ang programa nga K-PAP subay sa UDHA of 1992 nga nagmando sa kagamhanang lokal sa pagpangrehistro sa mga molopyo nga nagkinahanglan og pinuy-anan.
Dugang pa ni Librando ang mga constituents sa dakbayan sa Sugbo nga nagkinahanglan og luna kinahanglan magparehistro sa buhatan sa DWUP aron maihap kung pila ka housing units ang gikinahanglan nga tokoron.
Lakip sa kalipikado nga magparehistro sa DWUP kadtong nagpuyo sa dakbayan apan nag abang lang.
Dako ang pagtuo ni Librando nga posibleng mosaka pa ang magparehistro sa maong programa sa siyudad. (CEBU NEWS)