CEBU, Philippines — Niabot sa 12 ka panimay ang apektado sa pag-ulbo sa sunog diha sa Sitio Million Flower, Barangay Looc, Dakbayan sa Lapu-lapu.
Gikataho nga walo ka panimalay ang hingpit nga naugdaw ug upat ang partially burned.
Gibana-bana nga nikabat ngadto sa P7.5 milyones ang danyos sa maong sunog nga niulbo hinuon walay gikataho nga nakalas o naangol sa maong insidente.
Ang alarma sa sunog nadawat sa kabomberohan alas 4:44 sa hapon ug giisa sa second alarm.
Ang kayo sa sunog nakontrolar alas 5:19 ug hingpit nga na fire out alas 5:35.
Ang kabomberohan padayon kining nagpahigayon og imbestigasyon pagsuta sa hinungdan sa sunog.
Ang kayo sa sunog giingong nagsugod sa gipuy-an ni Jeffrey Ymbong.
Pipila sa residente sa maong dapit nagtuo nga tinuyo ang pagsunog diin ilang nabantayan nga adunay kalit nga nisilaob nga butang. (Romeo T. Limpangog/BDB) BANAT NEWS