COA: P83.609M nga ekipo sa CCMC wala nagamit

CEBU, Philippines — Ang wala nagamit sa P83.609 milyones nga balor sa mga ekipo sa Cebu City Medical Center (CCMC) nga gitumbok sa Commission on Audit (COA) giingong tungod sa pagkalangay sa pagtukod niini.

Kini matud ni Acting Cebu City Mayor Raymond Alvin Garcia atol sa press conference niadtong Huwebes, Hulyo 25, 2024 human sa pag-endorso sa annual audit sa COA alang sa tuig 2023 ngadto konseho sa siyudad.

Lakip sa gitumbok sa COA mao ang kapin sa P83.609 milyones nga wala nagamit nga nagkadaiyang ekipo alang sa CCMC.

Naghatag usab ang COA sa nga mga petsa sa pagpadala nga nagpakita nga kini gipalit, gihatud, ug nadawat sa siyudad sa mga tuig 2020 ug 2021. Gipasabot usab nila nga niadtong Marso 14, 2024 ang audit team nipahigayon og onsite inspection sa CCMC building.

"And observed that there were pieces of equipment which are still unutilized. In response to our letter, the stock officer of CCMC submitted a report containing the list of unutilized equipment as of March 31, 2024”, tipik sa COA report.

Sa iyang bahin, Si Garcia nagkanayon nga ilaha kining susihon ug i-verify nga wala gihapon magamit ang mga ekipo nga gihisgotan sa COA.

Matud ni Garcia nga ang maong mga ekipo wala magamit tungod sa pagkalangan  og human sa CCMC construction.

Samtang ang uban niini napalit niadtong 2020 ug 2021, si Garcia nagkanayon usab nga kini tungod kay ang gobiyerno naglantaw nga gamiton ang maong mga ekipo sa pagkompleto sa CCMC.

“We were already anticipating it (completion) that time maong nag-order na ang city government during the time of late mayor Edgar Labella but three years down the road wa pa man nahuman, maong ang equipment wa sad mabutang”, ni Garcia pa.

Dugang ni Garcia nga ilaha nang gipapaspas ang paghuman sa ikatulo paingon sa ikaupat nga andana aron makagamit sa nahisgutang mga ekipo.  (BDB) BANAT NEWS