CEBU, Philippines — Daghan ang nagdahom nga nakadaog sa trivia nga gipasiugdahan ni Konsehal Eduardo “Digul” Gullas III.
Apan diay adunay fake account nga nagkopya sa Facebook page ni Gullas.
Si Gullas nipahibawo nga tinuod nga aduna siya’y trivia nga gihimo ug adunay premyo sa mga makatubag. Nakadawat sila og mensahe nga nagpahibawo nga sila nakadaog apan lahi nga account ang ilang natubagan.
Matud ni Gullas nga aduna siya’y mahatagan nga pahalipay sa nitubag sa trivia didto sa tinuod niya nga account.
Nihangyo si Gullas sa naghimo sa peke nga account nga undangon na kini nga buhat tungod kay makahatag kini og false hope sa katawhan.
Si Gullas maoy ikaduha nga opisyal sa Talisay nga gihimoan og peke nga account.
Si Bise Mayor Richard Francis “Choy” Aznar ang una nga gi-hack ang account ug hangtud karon wala na gyud nila ma-recover. (BDB) BANAT NEWS