PSA: Dili modawat sa Philsys ID makamulta og P500 milyon

CEBU, Philippines — Pamultahon og P500 mil kadtong dili modawat sa Philsys ID matud sa opisyal sa Philippine Statistics Authority.

Si PSA-7 Director Ariel Florendo nagkanayon nga pahamtangan og silot ang mga pribadong kompaniya ug government agencies kinsa magdumili sa pagdawat sa national ID kong adunay himuon nga transaksiyon ang mga tawo sa maong buhatan gamit ang maong ID.

Matud ni Florendo nga ang Phil ID valid kini nga makahimo sa ilang transksyon ang usa ka tawo ug ang dili modawat niini nakalapas sa Section 19 sa Akta Republika 11055 kun “An Act Establishing the Philippine Identification System”.

Ug kinahanglan usab nga apil nga dawaton ang mga ePhilIds mga gi-print nga digital copies apil ang gipaila nga digital national ID.

Ang maong ID nga giluwatan sa PSA magamit kini sa mga transaksiyon sama sa financial services, pagkuha og mga dokumento sa gobiyerno, money transfers ug uban pa.

Nasayran nga 6 milyones na ka tawo sa Central Visayas ang nakaparehistro alang sa Philsys ID sa Central Visayas. —  BDB BANAT NEWS