Internal security training sa mga polis gisugdan na sa PRO-7
CEBU, Philippines — Gisugdan na sa Police Regional Office 7 ang internal security training sa mga polis atol sa gipahigayong seremonyas sa Regional Special Training Unit Training Center sa Sibonga, Cebu kagahapon.
Ang pagbansay kabahin sa Basic Internal Security Operations Course (BISOC) ug molungtad og 60 ka adlaw nga mandatory nga pagbansay alang sa tanang mga opisyal sa kapolisan.
Ang kurso nagtumong sa pagsangkap sa 170 ka mga polis nga adunay 24 ka babaye nga opisyal ug 146 ka lalaki nga mga opisyal nga adunay gikinahanglang kahanas ug pagsalig sa pakigbatok sa mga rebelde ug pagpanalipod sa internal nga seguridad.
Atol sa pakigpulong, gihatagan og gibug-aton ni PRO7 Regional Director PBGen Anthony Aberin ang mahinungdanong tahas sa mga polis sa pagpalig-on sa ilang kapabilidad sa internal security operations aron epektibong masulbad ang kasamtangang mga hagit ug masiguro ang kaayohan sa mga komunidad.
"This training aims to sustain our victory in the anti-insurgency and anti-terrorism campaign. I have complete confidence in your abilities and believe you will emerge as more capable officers," matud ni PBGen Aberin. (BANAT NEWS)
- Latest
