Cash incentive gihatag sa mga atleta sa Mandaue nga misalmot sa CVRAA

CEBU, Philippines — Mokabat sa P1.5 milyones nga kantidad sa cash incentive ang pormal nga giapod-apod ni Mandaue City Mayor Jonas Cortes ngadto sa mga atletang Mandauehanon nga nakalangkat og medalya sa gipahigayon nga Central Visayas Regional Athletics Association (CVIRAA).

Naglakip sa nakadawat sa maong cash incentive ang 29 ka mga regular sports athlete ug 41 ka mga Para Games athletes nga mga Mandauehanon.

Gihimo ni Mayor Cortes ang pag-apod-apod sa maong cash incentive kagahapon, Miyerkules sa buntag Hulyo 24, 2024 atol usab sa pagbisita sa iyang buhatan sa mga athleta kuyog sa ilang mga coach isip pagpasalamat sa gihatag niining suporta ngadto kanila.

Ang mga atleta nga nakalangkat og medalyang bulawan nakadawat og P10,000 nga cash incentive, P7,000 ang bronze medalists ug P5,000 usab ang silver medalists.

Lakip sa nakadawat og cash incentive ang ilang mga coach nga naningkamot sa pagbansay sa mga atleta nga maoy hinungdan nga naangkon nila ang kadaugan. (BANAT NEWS)