Delegasyon sa Sugbo mitambong sa EATOF sa Mongolia

CEBU, Philippines — Atoa karon sa nasud sa Mongolia ang delegasyon sa Probinsya sa Sugbo alang sa pagtambong sa 18th General Assembly sa East Asia Inter-Regional Tourism Forum (EATOF).

Si bise gobernador Hilario Davide III maoy nangulo sa maong delegasyon diin nikuyog usab sila si bokal John Esmael Borgonia, Glenn Anthonoy Soco, Ricardo “Kuya Nick” Pepito, Raymond Calderon ug ang Tourism Officer nga si Maria Lester Ybañez.

Ang EATOF usa ka international nga asosasyon sa turismo nga naumol niadtong tuig 2000 sa siyam (9) ka mga local government sa East Asia.

Ang katuyoan sa maong asosasyon mao ang pagdevelop ug pagpalambo pa sa turismo sa mga probinsya sa rehiyon sa Asia.

ang EATOF adunay 10 ka mga miyembro, kini ang Probinsya sa Sugbo, Gangwon sa South Korea, Tottori sa Japan, Jilin sa China, Tuv sa Mongolia, Sarawak sa Malaysia, Yogyakarta sa Indonesia, Quang Ninh sa Vietnam, Luang Prabang sa Laos ug Siem Reap sa Cambodia.

Sunod tuig, ang Sugbo na usab ang mo host sa general assembly sa EATOF. (BANAT NEWS)