CEBU, Philippines — Usa sa mga highlights sa ikatulong State of the Nation Address ni President Ferdinand "Bongbong" Marcos Jr. niadtong Lunes, Hulyo 22, 2024 mao ang hingpit nga pag ban niini sa Philippine Offshore Gaming Operators (POGO) sa Pilipinas.
Nunot niini, si Police Lieutenant Colonel Gerard Ace Pelare, tigpamaba ni Police Regional Office(PRO)-7 Regional Director Brigadier General Anthony Aberin miingon nga tumanon nila gipagawas nga kamanduan sa presidente.
Matud ni Pelare nga sa nanglabay nga katuigan naka monitor sila og lima ka POGO nga nag-operate sa Cebu City, Mandaue City ug Lapu-Lapu City hinuon dili na kini aktibo karon.
Apan gihimug-atan ni Pelare nga bisan paman og wala na kini ang-operate sa Sugbo apan padayon ilahang monitoring aron masiguro nga kun duna may POGO nga nag-operate sa Central Visayas maundang kini subay na sab sa mando ni Marcos.
Gipasalig sa PRO-7 nga ubos sa pamunuan ni Brigadier General Anthony Aberin wala'y POGO sa Central Visayas.
Apan gitataw ni Pelare usa sa makatabang sa pagpatuman sa maong kamanduan mao ang suporta sa komunidad.
"We would like to encourage everyone who has knowledge of any operation like POGO can you please report it to us so that we can take action immediately...gain the enforcement of the law is always a joint undertaking between the government and the community and we cannot fully implement it without your help," sigon ni Pelare. – IBM BANAT NEWS