CEBU, Philippines — Buksan sugod karong adlawa ang track oval sa Cebu City Sports Center human kini gigamit sa bag-o lang natapos nga Palarong Pambansa 2024 tungod nahuman na og ayum-ayom sa kontraktor ang ginagmay nga danyos sa oval.
Ang pagbukas molanat hangtud mapahigayon ang Pasigarbo sa Sugbo sa hinapos nga bahin sa buwan sa Agusto.
Mao kini ang gipahibalo ni acting Cebu City Mayor Raymond Alvin Garcia apan isunod dayon ang pagpahigayon sa major repairs sa track oval human sa festival tungod sa mga nakitang kuwang nga sukod sa walo niini ka lanes aron mainsakto 400 meters standard nga unang nabantayan sa Palaro officials.
Giklaro sa opisyal nga walay gasto ang dakbayan niini sanglit abagahon kini tanan sa kontraktor. (BANAT NEWS)