CEBU, Philippines — Dili mominos sa 42 ka mga panimalay ang naapektahan sa sunog nga niulbo sa Sitio San Jose, Barangay Guizo Dakbayan sa Mandaue, Huwebes sa hapon.
Ang sunog giingong nagsugod sa panimalay ni Grace Marfa nga gipuy-an ni Malou Marfa. Ang sunog nadawat sa kabomberohan alas-2:09 ug hingpit nga na fire out alas 2:54 na. Gibana-bana nga nagbilin kini og danyos nga P425 mil. Ang mga residente kalab-anan wala gayud nabitbit tungod sa kakalit sa maong pag-ulbo sa sunog. Usa sa mga residente nibutyag nga nakadungog sila og kusog nga buto og pipila ka segundos ang kusog kaayo nga aso og ug kayo.
Magpaabot pa ang mga residente sa kung asa sila ipahimutang sa lokal nga kagamhanan para sa evacuation center. (BANAT NEWS)