CEBU, Philippines — Nikabat ngadto sa P500 mil ang kantidad sa shabu nga nasakmit sa kapolisan sa Lapu-Lapu City Police Office (LCPO) ug 35 ka tawo ang nasikop atol sa tulo ka adlaw nga Simultaneous Anti-Criminality Law Enforcement Operation (SACLEO) nga gipahigayon niadtong Hulyo 12 hangtud sa Hulyo 14, 2024. Si Police Lieutenant Colonel Christian Torres, tigpamaba sa LCPO nagkanayon nga nalakip sa nadakpan ang high value individual (HVI) ug siyam ka mga street level individual (SLI) nga pusher.
Dugang nadakpan sa SACLEO nga ilang gipahigayon mao ang sugarol nga nalambigit sa ilegal nga swertres, hantak ug tong- it ug nasakmit usab ang gipusta nga salapi uban sa mga gambling paraphernalia. (BANAT NEWS)