CEBU, Philippines — Mihatag og sumatotal P1.6 million ang lokal nga kagamhanan sa dakbayan sa Danao sa 25 ka mga barangay niini alang sa mga programa ug proyekto nga ipatuman sa tagsa tagsa ka barangay.
Ang maong mga barangay maoy ikaduhang hugna na sa mga gihatagan sa maong tabang pinansyal gikan sa LGU.
Niadtong Mayo 14, 2024 unang mihatag og tabang pinansyal ang lokal nga kagamhanan sa dakbayan sa Danao og P1.2 million ngadto sa laing 16 ka barangay sa siyudad.
Samtang, sa lungsod sa Liloan, mihatag usab og tag 50 ka kilo nga bugas ang LGU sa mga Barangay Jubay ug Poblacion. 97 ka purok ang nakadawat sa tag 50 ka kilo nga bugas matag usa.
Suma pa sa kagamhanan sa lungsod sa Liloan nga dugang mga barangay ang hatagan usab sa mosunod nga mga adlaw. (BANAT NEWS)