CEBU, Philippines — Ang kagamhanan sa Dakbayan sa Subgo hugot nga nagtan-aw sa mga establisamento nga nakalapas sa three-meter easement samtang nagpadayon ang mga paningkamot batok sa pagbaha taliwala sa kusog nga pagbunok sa ulan.
Kagahapon si Acting Cebu City Mayor Raymond Alvin Garcia nagkanayon nga wala pa siya makadawat sa mga taho nga duha ka mga establisamento ang nagmagahi sa panawagan sa siyudad nga temporaryong hawanan ang mga bahin sa ilang mga istraktura nga nakalapas sa three-meter easement.
Sa niaging mga adlaw nasinati ang kusog nga bunok sa ulan sa mga dapit sa Metro Cebu.
Sa Dakbayan sa Sugbo, si Garcia nagkanayon nga kada semana sila adunay mga tigom sa Task Force Gubat sa Baha.
Karong adlawa gikatakdang sulayan nila ang usa ka bag-ong makinariya nga makasuyop sa mga hugaw nga nakabara sa mga suba isip usa ka technology aron mamenosan ang pagbaha.
"Kung it will not work then we will have to find another kay kahibawo bitaw mo nga one of the problems that we have encountered is that maglisod ta’g kanaog og backhoe sa atong sapa because it is so difficult for us kay wa man gud nato na-follow atong easement", padayag ni Garcia.
Matud ni Garcia nga kong sundon ang easement dili maglisod ang mga desilting machines sa paghawan sa mga sapa.
Gibutayg ni Garcia nga ang maong teknolohiya makasuyop sa mga river beds aron adunay free flowing sa mga tubig nga gikan sa upland areas.