CEBU, Philippines — Si Department of Education Assistant Secretary Francis Cesar Bringas nipahibalo nga ang Palaro Working Committee mokuha og third-party firm aron mosusi bahin sa isyu sa kakulang sa sukod sa rubberized oval sa Cebu City Sports Center.
Matud pa ni Bringas, ang third party firm nga kuhaon maoy mohimo og dugang telescopic measurement sa oval.
Sumala pa ni Bringas, hangtud nga dili mogawas ang official nga measurements tanang mga records sa athletics events temporaryo nga dili ilhon gawas lang sa 100-meter dash ug 110-meter hurdle run.
Gitug-an ni Bringas ang inisyal nga sukod sa mga technical committee nigawas nga kulang og duha ka metros ang oval gikan sa required nga 400 meters.
Niadtong adlaw nga Huwebes adunay mga taho gikan sa National Technical Committee sa Palarong Pambansa nipahibalo ang existing 400 meter track anaa lang sa 398 meters kulang og duha ka metros.-- IBM BANAT NEWS