CEBU, Philippines — Gihatagan na og tabang pinansiyal sa lokal nga kagamhanan sa Lungsod sa Liloan ang mga residente niini nga apektado sa alimpus sa Barangay Poblacion niadtong Hulyo 8, 2024.
Si Mayor Aljew Frasco ang niapod-apod sa relief goods, hygiene kits, food packs ug uban pa ngadto sa mga residente nga apektado.
Gawas niini, nihatag og shelter assistance ang LGU sa mga biktima diin P5,000 ang nadawat sa mga residente kansang balay totally damaged ug P3, 000 ang partially damaged.
Matud sa LGU nga hatagan usab ang mga biktima og shelter assistance gikan ni Kongresista Duke Frasco sa 5th district diin P10,000 matag panimalay nga totally damaged, P5,000 sa mga partially damaged ug P3, 000 ang gamay ra ang guba sa balay.
Niabot ngadto sa 12 ang tibuok nga naguba ang balay samtang 47 usab ang partially damaged. (BANAT NEWS)