CEBU, Philippines — Giapud-aporan sa Department of Social Welfare and Development (DSWD) uban sa lokal nga kagamhanan sa lungsod sa Cordova ang pipila ka mga residente particular na mga gagmayng negosyante sa lungsod og pundo o seed capital funds alang sa mga napili niini nga patigayon o panginabuhian.
Matud ni Cordova Mayor Cesar Suan nga ang 150 ka mga negosyante sa lungsod nga giila sa DSWD og ang gitagaan og dugang kapital nga P10, 000 matag usa gikan sa tabang ni Senador Bong Go.
This is a sustainable project. Dili rani parehas sa ubang ayuda nga inig sunod ugma hurot na dayon. Kinahanglan makit-an namo nga nagpadayon inyong negosyo. Otherwise kon wala nag padayon inyong negosyo pasensya na gayud na dili namo apilon sa sunod pa nga hinatagay. This is one of the criteria sa DSWD aron nga magpadayun ni ang atong proyekto," matud ni Suan.
Ang maong inisyatiba gipanglantawan nga makatabang sa pagsugod sa mga Cordovahanon sa ilang negosyo. Aron usab nga mahimong malampuson ang maong tinguha, ipadayon sa capability -building, monitoring ug teknikal nga hinabang ang ihatag sa LGU ngadto sa mga benepesaryo. (BANAT NEWS)