Serbisyo sa Barangay dili angayan langayon–Garcia
CEBU, Philippines — Gipahinumdoman ni acting Cebu City Mayor Raymond Alvin Garcia ang mga kapitan sa matag barangay sa Dakbayan sa Sugbo nga dili dugay dugayon ang paghatag og serbisyo ngadto sa publiko.
Gipadayag kini sa acting mayor atol sa “Seal of Good Local Governance for Barangays (SGLGB) ngadto sa mga barangay niadtong Hulyo, 8, 2024.
“I want to be able to inspire people nga public service cannot wait. Ayaw pabalik-balika ang mga tawo. Put yourself in their shoes, you have to empathize,” matud ni Garcia.
Ang Seal of Good Local Governance for Barangays (SGLGB) nagsilbi nga performance metric ug recognition system nga nag-ila sa mga barangay nga adunay dalaygon nga paghatag og serbisyo subay sa nagkalain-laing metrics.
Tumong niini ang pagdasig sa mga barangay sa padayong pagpauswag sa paghatag ug tunhay, patas, ug dekalidad nga serbisyo sa katawhan.
Sa laing bahin, nihatag og gibug-aton si Konsehal Franklyn Ong, kinsa maoy presidente sa Liga ng mga Barangay sa dakbayan sa Sugbo, sa panginahanglan sa "Seal of Good Governance" alang sa mga barangay.
“Kita, as a basic unit sa serbisyo sa gobiyerno, we are the frontliner, kitay mo-cater ug mo-address, kita ang primary, pinaukaunang arm of the government in serving the people. Mao na nga it’s very, very fitting nga karon kaning Seal of Good Governance kinahanglan maggikan gyud nato,” suma ni Ong.
Ang maong kalihukan gisalmotan usab sa 80 ka mga barangay kapitan uban sa ilang tagsa-tagsa ka barangay secretary ug treasurers. Gie-Ann Tapic/Jessa Grezil S. Bacus/CNU Intern/MEL BANAT NEWS
- Latest
