CEBU, Philippines — Gipahibawo ni acting Cebu City mayor Raymond Alvin Garcia nga dunay ihatag nga allowance ang city government alang sa matag region sa Palarong Pambansa 2024.
Nagkanayon si Garcia na gihatagan nila og igo nga suporta ang tanang atleta sa matag rehiyon nga mosalmot sa Palaro.
"Today, naa tay e-release nga amount intended for each region including Region 7," suma pa ni Garcia atol sa press conference kagahapon.
Hinuon wa ibutyag ni Garcia ang kantidad nga ihatag sa kagamhanan sa siyudad.
Samtang si acting vice mayor Donaldo Hontiveros mao ang gitudlo ni Garcia nga makahatag og kasayuran kabahin sa incentives o allowance nga ihatag sa mga delegado.
Si Garcia mipadangat usab sa iyang mensahe alang sa mga delegado.
"Goodluck on your competition, I always say that, hinumdumi na It's not only the medals that you win. It's not only the accolades and the recognition but what's important also to camaraderie with your fellow Filipinos, Filipinos from different regions," segun ni Garcia. Samtang dunay dili mominus sa P20 million nga balor sa mga produkto ang natigum isip donasyon alang sa Palarong Pambansa nga giturn over ngadto sa DepEd Central Office External Partnership Service.
Ang turnover ceremony gipahigayon sa City Central School kagahapon nga gipanguluhan ni Francis Cesar Bringas, Assistant Secretary and Palarong Pambansa Secretary General, Department of Education (DepEd)-7 Representative and Education Support Services, Tomas Pastor and Assistant School Division Superintendent, Adolf Aguilar.
Suma pa ni Rolly Soriano, National Communication and Marketing Committee nga ang P20 million nga balor sa mga produkto nga nahipos gitagana alang sa freebies sa mga atleta. — Jessa Grezil S. Bacus (BANAT NEWS)