Ang mga mosunod mao ang mga lakang nga angayang sundon:
1. Ampoon sa pari ingon man sa tag-iya sa maong yuta ang pag-ampo sa panalipod.
2. Himoon ang pag-ampo sa pagputol sa mga mga baligtos, gapus nga dili balaanon.
3. Gamiton ang pag-ampo sa Eksorsismo ni Papa Leo XIII. (Against Satan and His Apostate Angels). Mahimo kining balik balikon kun kinahanglanon aron mapapahawa sa hingpit ang mga dautang Espiritu nga nagpuyo sa maong luna. Gamiton kini aron pagadid-an ang mga dautang mga Espiritu sa paghimo og kadaut sa mga binuhat sa Dios lakip na niini ang kakayohan, mga tanom ingon man ang mga hayopan.
4. Isunod ang pagbendisyon sa mga hayop, tanum ug palibot.
5. Kun ugaling dinagkong uma o parasan ang bendisyonan, mag-andam og dakong sudlanan sa tubig nga bendisyonan. Sagolan kini og benditahang Asin (Exorcized Salt) nga maoy gamiton sa pagbubo sa mga tanum. Gamiton usab ang insenso (exorcized incense alang sa palina).
6. Mandoan ang mga hayup ug katanuman sa pagdayeg sa Dios. (Ning tungora gamiton ang pag-ampo sa tulo ka mga batan-on o ang Awit ni Daniel.
7. Himoon ang pag-ampo sa paglimpiyo (Prayer of Cleansing) sa pari nga eksorsista ug isunod ang pagpanalangin sa katawhan.
[1] Halapad ang dili kasarangang lihok sa yawa. Mahimong manghilabot siya sa mga hayop, mga tanom ug kakahoyan.
[2] Kining maong pag-ampo makita sa basahon ni Padre Jose Francisco Syquia, Catholic Handbook of Deliverance Prayers p. 87.