CEBU, Philippines — Patay ang 78-anyos nga lola human kini nadasmagi sa motorsiklo nga ni-overtake diha sa Barangay Balabagon, Lungsod sa Moalboal niadtong Sabado sa buntag.
Ang biktima mao sa Eugeniana Abuda, molupyo sa nahisgutang lugar samtang ang suspetsado nga drayber sa motorsiklo mao si Teddy Apatan, 56, maestro ug molupyo sa Barangay Taytay, Lungsod sa Badian.
Base sa imbestigasyon sa kapolinsa sa lungsod nga nitabok ang biktima sa pikas habig sa karsada paingon sa iyang balay ug kalit kinin nadasmagan sa motorsiklo nga gimaneho ni Apatan human kini ni-overtake sa multicab nga nag-una kaniya.
Nasayran nga gumikan sa ka kusog sa impact sa bangga nakaangkon og mga bali sa gusok ang biktima ug dali kining gidala diha sa Badian District Hospital.
Apan pipila ka minute ang nakalabay nakabsan gyud sa kinabuhi ang biktima.
Ang suspetsado temporaryong gikustodiya sa Moalboal Police Station. — Irish L. Laborte (BANAT NEWS)