Imbestigasyon sa fake sa PWD ID cards nahunong
CEBU, Philippines — Si Cebu City Councilor James Anthony Cuenco nibutyag kagahapon nga kasamtangang nahunong ang imbestigasyon kabahin sa falsification sa Person with Disability (PWD) ID cards.
"For now it’s already on halt (because) we have a problem with gathering those witnesses. It’s been a long time since the exposé and mura’g nawagtang ang gana pod sa mga witnesses… kay busy pod sila sa ilang trabaho. It’s really hard pod to bring them all together. So for now, it’s on halt”, padayag ni Cuenco.
Nagkanayon si Cuenco nga anaa nay affidavit ang witnesses apan adunay kalangan sa interogasyon tungod kay ang witnesses nawagtangan na sa gana.
Giklaro ni Cuenco nga ang mga indibidwal na adunay mga pekeng ID sa PWD wala na kini makuha nga benepisyo gumikan ka gi-revoked na kini.
Gibutyag ni Cuenco nga gialertohan na ang mga establisamento nga dili na kini ipadawat kanila ang PWD ID cards gumikan kay magkinahanglan na og QR code isip timailhan nga dili peke ang ID card.
Nunot niini, giawhag ni Cuenco ang city legal nga padayonon ang imbestigasyon kalabot sa maong isyu.
"Ako pod gihangyo sa ila nga we have to make recommendations nalang kong unsaon nato pag-pursue sa mga nakilambigit sa mga anomaliya to consider collective measure nga ma-apply," dugang ni Cuenco.— Jessa Grezil S. Bacus (BANAT NEWS)
- Latest
