CCPO andam motabang pagsulbad sa gituhuang pagpang salvage

CEBU, Philippines — Andam ang Cebu City Police Office (CCPO) nga motabang sa Cebu Police Provincial Office(CPPO) aron masulbad ang kaso labot sa duha ka mga lalake nga gituohang gisalvage didto sa Talisay City ug Lungsod sa Balamban nga nakit-an niadtong Domingo.

Una nang gibutyag sa Cebu Police Provincial Office nga makig-alayon sila sa ubang police units ilabi na sa Cebu City tungod kay ang mga biktima nga sila si alyas Dodo ug alyas Franklin residente sa Barangay Basak Pardo ug Barangay Basak San Nicolas.  Matud ni Police Lieutenant Colonel Janette Rafter, Deputy City Director for Administration sa CPPO nga sila sa Cebu City bisan kinsa nga unit sa PNP andam gyud sila motabang.

“We encourage kanang coordination sa atong ubang not just different CPOs or PPOs in Region Seven but any other unit kung asa mi makatabang”, matud ni Lt. Col. Rafter.

Kun unsa may kinahanglanon nga impormasyon sa ubang unit ang ihatag kini sa CCPO dungan sa pag-ingon nga gikinahanglan ang pagtinabangay.

“Maghuwat ra gyud mi unsa nga unit ang magkinahanglan ana nga information kasi wala may kabalo where are they now during the course of the investigation so whatever nga among matabang Cebu City under the leadership of our City Director Police Colonel Ireneo Dalogdog we are very much welcome to extend whatever nga assistance mahatag nato”. Segun pa ni Lt. Col. Rafter. (BANAT NEWS)