Mga armas gitahan didto sa Bohol

CEBU, Philippines — Subsob ang gihimong kampanya sa Provincial Mobile Force Company sa Bohol Police Provincial Office(BPPO) pinangulohan ni Police Lieutenant Colone Mark Gifter Sucalit batok loose firearms aron dili kini magamit sa dautang nga makabalda na hinoon ug kalinaw sa Probinsiya sa Bohol.

Usa ka kalibre .45 nga armas ug magazine ang boluntaryong gitugyan sa buhatan sa PMFC sa Camp Francisco Dagohoy, Tagbilaran City.

Ang nagtugyan niini usa ka indibidwal nga taga Barangay Catarman, Lungsod sa Dauis sakop sa Bohol.

Dayon usa sab ka 21-anyos nga lalake nga taga Barangay Tambongan, Lungsod sa Candijay, Bohol ang boluntaryo sab nga ni-surrender sa dili lisensyadong armas nga wala’y serial number.

Gikustodiya na karon sa kapulisan ang mga armas nga dili lisensyado.

Gidayeg sa kapulisan ang pagpakabana sa mga tawo sa kahapsay ug kalinaw sa probinsiya pinaagi sa pagtugyan sa mga armas nga wala’y lisensiya.

Samtang usa ka lalaking Top 8 Wanted sa Zamboanga del Sur tungod sa kasong pagpanglugos ang nadakpan sa mga sakop sa PNP-Regional Maritime Unit-7 niadtong Sabado sa gabii, Hunyo 29,2024 diha sa Garden Bloom Villas, sa Barangay Cotcot, Liloan.

Ang suspek gidakop pinasikad sa warrant of arrest sa kaso nga R.A. 8353 o Anti Rape Law of 1997 gikan sa sala ni Judge Peter V. Eisma, Presiding Judge sa Regional Court, Branch 15, sa Zamboanga City, Zamboanga Del Sur ug walay girekomenda nga piyansa para kaniya.

Ang Regional Maritime Unit 9 mianhi sa Sugbu ug nagpatabang sa RMU-7 ug inabagan sa Liloan Police Station ilang giadto ang gitagdoan sa suspek nga nakaingon sa pagkasikop niini.

 “This accomplishment is a testament of the unwavering dedication of the PNP Maritime Group to uphold law and order and ensure the welfare of the community.” matud pa sa Facebook post sa RMU 7. —John Mark Dejito  (BANAT NEWS)