Awto kalit nisilaob
CEBU, Philippines — Usa ka awto ang kalit nga nisilaob diha sa Barangay San Isidro, Siyudad sa Talisay niadtong Hunyo 28 pasado alas 11 sa gabii.
Ang tagiya giila nga si Luigi Agoto padulong habagatang bahin sa Sugbu subay sa Cebu South Coastal Road sa dihang kalit lang nga niulbo ang kalayo sa engine compartment sa atubangan parte sa sakyanan.
Dalidali silang mihunong ug mitawag sa Talisay City Fire Station. Napawong hinuon ang kalayo paglabay sa diyes minutos.
Matud pa ni Fire Officer 2 Mar Dee II A. Auxtero, sa ilang insyal nga imbestigasyon ang sunog naggikan sa battery terminal sa sakyanan nga na-grounded.
“Initial namo si nga pag-adto namo didto sa sakyanan, didto gyud mismo sa iyahang battery terminal nasugod katong kalayo,” sigon ni FO2 Auxtero.
Wala hinuoy nasakitan atol sa maong insidente apan nagbilin kini og danyos nga mokabat sa P200 mil. (BANAT NEWS)
- Latest
