Namaligyang ihalas nga mananap gidakop

CEBU, Philippines — Natingkagol sa prisohan ang usa ka lalaki nga masakpi sa Regional Maritime Unit 7 nga namaligya og mga ihalas nga mananap diha  panimalay niini sa Barangay Soong 1, Syudad sa Lapu-Lapu niadtong Huwebes sa gabii, Hunyo 27, 2024.

Ang suspek giila nga 29- anyos ug residente sa maong lugar giingong dugay ng namaligya og mga ihalas nga mga mananap mao nga kini gipanid-an sa kapolisan ayha gilusad ang operasyon batok niini.

Nasakmit  gikan sa suspek ang klase-klaseng hayop  nga naglakip sa duha ka Milo o Singalong (Civet) nga ibaligya niini sa presyo nga P10 mil kada usa; duha ka Cockatiel nga mobalor og P1,000 kada usa; usa ka Albino Python nga nagkantidad og 5 Pmil; ug usa ka Iguana nga mokantidad og P2 mil. Dugang  gisakmit sa otoridad ang ka mga tangkal.

Gisikop ang suspek tungod sa paglapas niini sa R.A. No. 9147 Section 27 o 'An Act Providing the Conservation and Protection of Wildlife Resources and their Habitats.'

Ang mga nasakmit nga mga mananap gikatakdang dad-on ngadto sa Department of Environment and Natural Resources-7.

"The RMU7 unwavering commitment to wildlife protection and conservation is exemplified by their tireless pursuit of justice against wildlife traffickers, as they strive to safeguard endangered species, preserve biodiversity, and advance environmental conservation efforts," matud pa sa Facebook post sa RMU 7. --John Mark P. Dejito ug Yves Mae Salinas PIT-Interns/IBM BANAT NEWS